Сүрьеэгийн тусламж үйлчилгээнд ядуурал, хүн амын нягтрал, шилжилт хөдөлгөөн, эмчилгээ таслалт, сүрьеэгийн дэгдэлт, агаарын бохирдол тулгамдсан асуудал болж байгаа талаар  мэргэжлийн байгууллагууд тодорхойлсон. Манай улсын хүн амын 29.6% буюу 907.5 мянган хүн ядуу, сүрьеэгээр өвчилсөн хүмүүсийн 35% нь ажилгүй, 78.1% нь гэр хороололд амьдарч, амьжиргааны баталгаат түвшингээс доогуур байгаа нь сүрьеэгээр өвчлөх эрсдэлийг нэмэгдүүлж байна.

            Иймээс сүрьеэгийн тусламж үйлчилгээний чанар хүртээмжийг сайжруулах үүднээс иргэдэд хамгийн ойрхон байж, тэдний эрүүл мэндийг хамгаалж байдаг ӨЭМТ, нийгэм, эдийн засаг, засаг захиргааны зүгээс хороо, багийн ажлын албаны “Хамтарсан баг” байгуулж иргэдийн дунд сүрьеэ өвчнийг эрт илрүүлэх, эмчлэх, хянах, өвчлөлийн тархалтыг зогсооход хамтран ажиллах талаар сурталчлах өдөрлөгийг 2021 он 04-р сарын 08-ны өдөр Чингэлтэй дүүргийн 19-р хорооны Иргэний танхимд зохион байгуулав.